انا عايز اتجوز

انا عايز اتجوز

بقلم / نادر شمشون

رحلة الشاب مننا ان الواحد وهو صغير بيتمنى انه يكبر بسرعة

وانه يخلص المدرسة سواء كانت ابتدائى اعدادى ولا ثانوى حتى ويخلص من قرفها ويحس انه كبر خلاص وبالتالى

فجاءه يلاقى الواحد نفسه فى الكلية و يعلام دخل الكلية الى كان عايزها ولا التنسيق حدفه فين؟

والناس فى الكلية بتتقسم نوعين:

الاول وهو الى دخل كلية زى طب اوهندسة  او كليه مش بيحبها وبيلعن الى اليوم اللى دخلها فيها وهو برده مش عارف هايخرج منها امتى ويتمنى يخلصها النهارده قبل بكره

و تانى نوع وهم فى شكل عام ناس زى اللى دخلوا المجمع عيشين من الاخر صباح الموز بالعسل وانا مش بحسدهم

المهم ان معظم الشباب فى سن الجامعة بيكتشف حبه الاول وبرده وبينتهى الحب الاول فى نفس الفترة تقريبا لمشاكل كتير منها مثلا انهم فى نفس السن ,انه عنده جيش ,انها متقدملها غيره ,انها مش هتقدر تستناه, بابا وماما مش موفقين عليك و هكذا ويا عين امك خلصت جيش ولا اخت ورقة الاعفاء وفرحان بيها وتروح تشتغل والشغل بقا مستنيك يا معلم تشتغل بقا شعلانه اتنين تسافر برا وتجى تدور عل عروسة بقا ربنا يوفقك يا معلم

المهم بقا فى كل ده انت او انتى عايزه تتجوزى لان الناس بتتجوز وهم قالولك انك لازم تتجوز

لا انت عايز تتجوز لانك بتحب وعايز تشارك بحبك ده شريكك فى كل حاجة فى حياتك

 وبيحاول كل منكم اسعاد الاخر فى كل امور حياته و يكون معاك فى الوحش قبل الحلوه بيكون حبيبك ,بيكون صديقك و اقرب حاجة ليك فى الدنيا دى

بتبذل كل ما تستطيع من اجل حبيبك لان عندما تسعده ستسعد انت ايضا بحياتك

(هذه الآن عظم من عظامي ولحم من لحمي هذه تدعى امرأة لأنها من امرؤ أخذت لذلك يترك الرجل أباه وأمه ويلتصق بامرأته ويكونان جسدًا واحدًا" (تكوين 2: 18-22).)

وربنا يوفق كل راسين فى الحلال

ولينا كلام تانى

عموما انا بتفزلك